Kyun dartein hain hum,
Aise kaam kyun kartein hain hum,
Kyun yeh quaayanaat usne banaayi,
Kyun raat ke baad na kabhie woh subha aayi,
Kyun hum theher gayein iss duniya ke saath,
Kyun badal dee humne apni chaal,
Kyun rang dhangh woh hosh hawas,
Sabb udd gayein saath leke woh yaadash,
Abb toh wo yaadein bhee ho gayi hain dhundhlee,
Jabb na koi parwaah thee,
Naa yeh dunya thee.
Iss duniya ko usne jabb banaaya,
Iss insaan ko jabb usne taraasha,
Iss zameen ko usne chuna,
Aasmaan ko bunaa,
Yeh na socha hoga usne,
Ki yahee tarashein huey putle,
Banaa deinge zanjeerein,
Zanjeerein unn putlon ke liye,
Jinhe woh tarashega apni fursat mein,
Jinhein woh banaayega itni shiddat se,
Unhee putlon ke liye,
Humne kasi zanjeerein.
Kyun humne diye naam har cheez ko,
Kyun humne kasaa inn zanjeero ko,
Kyun hum chaltein rahein iss raah pe,
Jahaan na koi manzil,
Na koi jahaan.
Aur jo na kare inn zanjeero ki izzat,
Jo chodna chaahe inki jakdan,
Jo jaanna chahe iss duniya ke asli rang,
Rehna chahe uss aasmaan ke neeche,
Choona chahe woh jheelein,
Woh parvat,
Woh duniya jo uss upar waale ne banaayi thee,
Jo chahe usko choona,
Duniya kahe usey paagal.
:')
ReplyDelete